பட்ட நெற்றியர் பாடல் வரிகள் (patta nerriyar) இந்த பதிவில் கொடுக்கப்பட்டுள்ளது… இந்த பாடல் திருமணஞ்சேரி – திருமணஞ்சேரி (கீழை) தலம் சோழநாடு வடகரை நாட்டில் அப்பர் அவர்களால் இயற்றப்பட்டது…
அருளியவர் : அப்பர்
திருமுறை : 5
நாடு : சோழநாடு வடகரை
தலம் : திருமணஞ்சேரி – திருமணஞ்சேரி (கீழை)
சுவாமி : அருள்வள்ளல்நாதர்
அம்பாள் : யாழினும் மென்மொழியம்மை
பட்ட நெற்றியர்
பட்ட நெற்றியர்
பாய்புலித் தோலினர்
நட்ட நின்று
நவில்பவர் நாடொறுஞ்
சிட்டர் வாழ்திரு
வார்மணஞ் சேரியெம்
வட்ட வார்சடை
யார்வண்ணம் வாழ்த்துமே. 1
துன்னு வார்குழ
லாளுமை யாளொடும்
பின்னு வார்சடை
மேற்பிறை வைத்தவர்
மன்னு வார்மணஞ்
சேரி மருந்தினை
உன்னு வார்வினை
யாயின ஓயுமே. 2
புற்றி லாடர
வாட்டும் புனிதனார்
தெற்றி னார்புரந்
தீயெழச் செற்றவர்
சுற்றி னார்மதில்
சூழ்மணஞ் சேரியார்
பற்றி னாரவர்
பற்றவர் காண்மினே. 3
மத்த மும்மதி
யும்வளர் செஞ்சடை
முத்தர் முக்குணர்
மூசர வம்மணி
சித்தர் தீவணர்
சீர்மணஞ் சேரியெம்
வித்தர் தாம்விருப்
பாரை விருப்பரே. 4
துள்ளு மான்மறி
தூமழு வாளினர்
வெள்ள நீர்கரந்
தார்சடை மேலவர்
அள்ள லார்வயல்
சூழ்மணஞ் சேரியெம்
வள்ள லார்கழல்
வாழ்த்தவாழ் வாவதே. 5
நீர்ப ரந்த
நிமிர்புன் சடையின்மேல்
ஊர்ப ரந்த
உரகம் அணிபவர்
சீர்ப ரந்த
திருமணஞ் சேரியார்
ஏர்ப ரந்தங்
கிலங்குசூ லத்தரே. 6
சுண்ணத் தர்சுடு
நீறுகந் தாடலார்
விண்ணத் தம்மதி
சூடிய வேதியர்
மண்ணத் தம்முழ
வார்மணஞ் சேரியார்
வண்ணத் தம்முலை
யாளுமை வண்ணரே. 7
துன்ன வாடையர்
தூமழு வாளினர்
பின்னு செஞ்சடை
மேற்பிறை வைத்தவர்
மன்னு வார்பொழில்
சூழ்மணஞ் சேரியெம்
மன்ன னார்கழ
லேதொழ வாய்க்குமே. 8
சித்தர் தேவர்கள்
மாலொடு நான்முகன்
புத்தர் தேரமண்
கையர் புகழவே
மத்தர் தாமறி
யார்மணஞ் சேரியெம்
அத்த னாரடி
யார்க்கல்ல லில்லையே. 9
கடுத்த மேனி
அரக்கன் கயிலையை
எடுத்த வனெடு
நீண்முடி பத்திறப்
படுத்த லுமணஞ்
சேரி யருளெனக்
கொடுத்த னன்கொற்ற
வாளொடு நாமமே.
இத்தலம் சோழநாட்டிலுள்ளது.
திருச்சிற்றம்பலம்
ஓடி ஓடி உட்கலந்த ஜோதியை பாடல் வரிகள் (Odi odi Utkalantha Jothi lyrics tamil) இந்த பதிவில் கொடுக்கப்பட்டுள்ளது...…
அழகான பழனி மலை ஆண்டவா Song Lyrics Tamil Azhagana Pazhani Malai Andava Murugan Song Tamil Lyrics…
villali veeran ayya song lyrics in tamil | சுவாமி ரொம்ப சிறுசையா பாடல் வரிகள் எத்தனையோ மலைகள்…
Vishveshwara Lahari Tamil Lyrics விஸ்வேஸ்வர லஹரி பாடல் வரிகள் (Vishveshvara lahari tamil lyrics) இந்த பதிவில் நீங்கள்…
Chinna Chinna Muruga Song Lyrics Tamil Chinna Chinna Muruga Muruga Singara Muruga இந்த பதிவில் நீங்கள்…
விநாயகர் அகவல் (Vinayagar Agaval) – ஆசிரியர் ஔவையார் (14-ஆம் நூற்றாண்டு) விநாயகர் அகவல் (vinayagar agaval) என்பது இந்து…