கடவுளைக் கடலுள் பாடல் வரிகள் (katavulaik katalul) இந்த பதிவில் கொடுக்கப்பட்டுள்ளது… இந்த பாடல் திருநெல்வாயில்அரத்துறை – திருவட்டதுறை தலம் நடுநாடு நாட்டில் அப்பர் அவர்களால் இயற்றப்பட்டது…
அருளியவர் : அப்பர்
திருமுறை : 5
நாடு : நடுநாடு
தலம் : திருநெல்வாயில்அரத்துறை – திருவட்டதுறை
சுவாமி : அரத்துறைநாதர்
அம்பாள் : ஆனந்த நாயகி
கடவுளைக் கடலுள்
கடவுளைக் கடலுள்
எழு நஞ்சுண்ட
உடலு ளானையொப்
பாரி* லாதவெம்
அடலு ளானை
அரத்துறை மேவிய
சுடரு ளானைக்கண்
டீர்நாந் தொழுவதே.
(^ ஒப்பாரி இலாத என்றும் பாடம்) 1
கரும்பொப் பானைக்
கரும்பினிற் கட்டியை
விரும்பொப் பானைவிண்
ணோரு மறிகிலா
அரும்பொப் பானை
அரத்துறை மேவிய
சுரும்பொப் பானைக்கண்
டீர்நாந் தொழுவதே. 2
ஏறொப் பானையெல்
லாவுயிர்க் கும்மிறை
வேறொப் பானைவிண்
ணோரு மறிகிலா
ஆறொப் பானை
அரத்துறை மேவிய
ஊறொப் பானைக்கண்
டீர்நாந் தொழுவதே. 3
பரப்பொப் பானைப்
பகலிருள் நன்னிலா
இரப்பொப் பானை
இளமதி சூடிய
அரப்பொப் பானை
அரத்துறை மேவிய
சுரப்பொப் பானைக்கண்
டீர்நாந் தொழுவதே. 4
நெய்யொப் பானைநெய்
யிற்சுடர் போல்வதோர்
மெய்யொப் பானைவிண்
ணோரு மறிகிலார்
ஐயொப் பானை
அரத்துறை மேவிய
கையொப் பானைக்கண்
டீர்நாந் தொழுவதே. 5
நிதியொப் பானை
நிதியிற் கிழவனை
விதியொப் பானைவிண்
ணோரு மறிகிலார்
அதியொப் பானை
அரத்துறை மேவிய
கதியொப் பானைக்கண்
டீர்நாந் தொழுவதே. 6
புனலொப் பானைப்
பொருந்தலர் தம்மையே
மினலொப் பானைவிண்
ணோரு மறிகிலார்
அனலொப் பானை
அரத்துறை மேவிய
கனலொப் பானைக்கண்
டீர்நாந் தொழுவதே. 7
பொன்னொப் பானைப்பொன்
னிற்சுடர் போல்வதோர்
மின்னொப் பானைவிண்
ணோரு மறிகிலார்
அன்னொப் பானை
அரத்துறை மேவிய
தன்னொப் பானைக்கண்
டீர்நாந் தொழுவதே. 8
காழி யானைக்
கனவிடை யூருமெய்
வாழி யானைவல்
லோருமென் றின்னவர்
ஆழி யான்பிர
மற்கும் அரத்துறை
ஊழி யானைக்கண்
டீர்நாந் தொழுவதே. 9
கலையொப் பானைக்கற்
றார்க்கோ ரமுதினை
மலையொப் பானை
மணிமுடி யூன்றிய
அலையொப் பானை
அரத்துறை மேவிய
நிலையொப் பானைக்கண்
டீர்நாந் தொழுவதே.
திருச்சிற்றம்பலம்
ஓடி ஓடி உட்கலந்த ஜோதியை பாடல் வரிகள் (Odi odi Utkalantha Jothi lyrics tamil) இந்த பதிவில் கொடுக்கப்பட்டுள்ளது...…
அழகான பழனி மலை ஆண்டவா Song Lyrics Tamil Azhagana Pazhani Malai Andava Murugan Song Tamil Lyrics…
villali veeran ayya song lyrics in tamil | சுவாமி ரொம்ப சிறுசையா பாடல் வரிகள் எத்தனையோ மலைகள்…
Vishveshwara Lahari Tamil Lyrics விஸ்வேஸ்வர லஹரி பாடல் வரிகள் (Vishveshvara lahari tamil lyrics) இந்த பதிவில் நீங்கள்…
Chinna Chinna Muruga Song Lyrics Tamil Chinna Chinna Muruga Muruga Singara Muruga இந்த பதிவில் நீங்கள்…
விநாயகர் அகவல் (Vinayagar Agaval) – ஆசிரியர் ஔவையார் (14-ஆம் நூற்றாண்டு) விநாயகர் அகவல் (vinayagar agaval) என்பது இந்து…