சுண்ணவெண் ணீறணி பாடல் வரிகள் (cunnaven nirani) இந்த பதிவில் கொடுக்கப்பட்டுள்ளது… இந்த பாடல் திருக்குருகாவூர் – திருக்கருகாவூர் தலம் சோழநாடு வடகரை நாட்டில் சம்பந்தர் அவர்களால் இயற்றப்பட்டது…
அருளியவர் : சம்பந்தர்
திருமுறை : 3
நாடு : சோழநாடு வடகரை
தலம் : திருக்குருகாவூர் – திருக்கருகாவூர்
சுவாமி : வெள்ளடைநாதர்
அம்பாள் : காவியங்கண்ணி
சுண்ணவெண் ணீறணி
சுண்ணவெண் ணீறணி
மார்பில் தோல்புனைந்
தெண்ணரும் பல்கணம்
ஏத்தநின் றாடுவார்
விண்ணமர் பைம்பொழில்
வெள்ளடை மேவிய
பெண்ணமர் மேனியெம்
பிஞ்ஞக னாரே. 1
திரைபுல்கு கங்கை
திகழ்சடை வைத்து
வரைமக ளோடுடன்
ஆடுதிர் மல்கு
விரைகமழ் தண்பொழில்
வெள்ளடை மேவிய
அரை மல்கு வாளர
வாட்டுகந் தீரே. 2
அடையலர் தொல்நகர்
மூன்றெரித் தன்ன
நடைமட மங்கையொர்
பாகம் நயந்து
விடையுகந் தேறுதிர்
வெள்ளடை மேவிய
சடையமர் வெண்பிறைச்
சங்கர னீரே. 3
வளங்கிளர் கங்கை
மடவர லோடு
களம்பட ஆடுதிர்
காடரங் காக
விளங்கிய தண்பொழில்
வெள்ளடை மேவிய
இளம்பிறை சேர்சடை
யெம்பெரு மானே. 4
சுரிகுழல் நல்ல
துடியிடை யோடு
பொரிபுல்கு காட்டிடை
யாடுதிர் பொங்க
விரிதரு பைம்பொழில்
வெள்ளடை மேவிய
எரிமழு வாட்படை
எந்தை பிரானே. 5
காவியங் கண்மட
வாளொடுங் காட்டிடைத்
தீயக லேந்திநின்
றாடுதிர் தேன்மலர்
மேவிய தண்பொழில்
வெள்ளடை மேவிய
ஆவினில் ஐந்துகொண்
டாட்டுகந் தீரே.
இப்பதிகத்தில் ஏனைய செய்யுட்கள் சிதைந்து போயின.
திருச்சிற்றம்பலம்
Kandha Sashti Kavasam Lyrics கந்த சஷ்டி கவசம் பாடல் வரிகள் (Kandha Sashti Kavasam Song lyrics in…
விநாயகர் அகவல் (Vinayagar Agaval) – ஆசிரியர் ஔவையார் (14-ஆம் நூற்றாண்டு) விநாயகர் அகவல் (vinayagar agaval) என்பது இந்து…
Ekadantaya Vakratundaya Lyrics in Tamil ஏகதந்தாய வக்ரதுண்டாய பாடல் வரிகள் (Ekadantaya Vakratundaya Lyrics) பாடல் வரிகள் கணநாயகய…
108 Vinayakar potri in Tamil 108 விநாயகர் போற்றி (108 Vinayakar potri lyrics in tamil) இந்த…
Vinayaka Ashtothram Lyrics in Tamil ஸ்ரீ விநாயக அஷ்டோத்தர ச'த நாமாவளி - Vinayaka ashtothram tamil ஓம்…
ஓடி ஓடி உட்கலந்த ஜோதியை பாடல் வரிகள் (Odi odi Utkalantha Jothi lyrics tamil) இந்த பதிவில் கொடுக்கப்பட்டுள்ளது...…